美高梅員工對賭牌延長既樂觀又疑惑:感覺政府驚講多啲會出事

美高梅員工對賭牌延長既樂觀又疑惑:感覺政府驚講多啲會出事
有美高梅員工相信賭牌獲准延長後,公司整體氣氛都是樂觀的,但不解為何政府要「拖到咁遲先公佈」。(Alllin圖片)

澳門政府早前公佈批准澳博控股(880)及美高梅中國(2282)的賭牌延長至2022年6月,當中包括2億元續牌費、銀行債權擔保等細節一直受社會質疑。究竟賭牌續期,對員工帶來的影響是好還是壞,Allin透過電話訪問,與現職美高梅的員工阿南(化名)詳談賭牌續期2年的影響。

自感不意外,但亦有同事望能轉變

談及賭牌獲續期,阿南坦言不感意外,因早在大學進修博彩管理時,已聽聞教授分析,而公司亦有些同事表示,消息公佈後心情亦沒那麼擔憂,較為安定下來。惟相反的是,有些不滿公司現況的同事,則認為要有新衝擊,並直言「點解唔換咗佢呢」,應該要轉公司經營,改變現況。

然而阿南表示,如果換了公司「都唔知是好是壞」,要簽過另一份合約,存在很多未知之數。他認為現時續期消息公佈後,確實為公司上上下下員工帶來樂觀的一面,「至少畀員工知道(續期),可以穩定啲。」

「咦,2億就續到個牌」

政府公佈賭牌續期時,附帶一些條件,其中最受爭議是以溢價金6倍,即2億澳門元的續牌費。問及此事,阿南直指「當然太少啦」,自己身邊亦有同事們笑言「咦,2億就續到個牌」。阿南坦言,感覺上整個政府「驚死講多少少就影響好大」,認為政府若果能對公眾「講多少少」,無論員工及公眾都會比較安心。

而事實上,澳門政府並沒交代過究竟為何會收2億續牌費,阿南對此感到不解,直斥「一嚟就公佈係溢價金6倍,咁樣就以為好多啊,其實真正嘅操作係點樣呢,又無同公眾、員工交代過。」他又指「到幾年後真係賭牌競投,係咪又係每人(博企)畀多2億就得呢,定係應該加多啲呢?」

銀行債權擔保「如果無呢個措施,員工係咪冇保障?」

另外,獲續期的兩間博企,須分別提交金額不少於35億澳門元和8.2億澳門元的銀行擔保,以及同意在3個月內參與非強制性中央公積金。對於「銀行擔保」的制度,阿南認為是好事,雖然先前從沒想過有這措施,認為措施是對員工有一個保障。另一方面,阿南對措施亦感到不解,心感「畀錢擔保先有保障」,坦言「原來要做呢啲嘢,員工先有保障……(如果冇呢個措施)一次過唔要晒你啲人,(我哋)點樣去追番呢?」

後知後覺的公積金 「所有嘢都好趕」

對於另一個保障員工的措施——非強制性中央公積金,阿南指自己過去曾了解過,社保基金亦有人員來與博企員工討論過,但他自己近日問同事,差不多每一位同事都不知何為非強制性中央公積金。阿南直言「宣傳真係唔夠,政府依家先嚟做宣傳,真係好遲。」阿南表示,賭牌續期明明可以更早推出,但感覺政府的決策總是後知後覺,博企要在3個月內為員工加入「非強制性中央公積金」,但卻宣傳不足,感覺就是「後知後覺,所有嘢都好趕。」

續牌氣氛整體是「樂觀的」

阿南坦言,公司續牌對員工來說是一件好事,相信現時公司裏整體氣氛都是樂觀的。惟他同時不解為何政府要「拖到咁遲先公佈」,坦言一切都可以「提早啲」,又感覺政府在怕「講多少少就會出事」。他不明白無論計劃又好,細節又好,很多續期的內容都「唔係好公開」。阿南坦言,政府不提早公佈,只會令員工有更多負面猜測,「(政府)唔好令員工成日喺度諗:續唔到牌會點呢,我哋份合約又點呢。」